مرثية رحيم الغالبي تحت ضوء الشمس    عباس عبد المجيد الزيدي                                                                              كتابات اخرى للكاتب                  الشمس كاسف ضواها ﮔلي هَمْ تطفه الشمس إﮔحيله تِصْهل والحِزِنْ خانِگْ خلگها مِنْ ﮔبِلْ أولْ أمِسْ وانتَ بُو إرْوَيحَةْ التَرْفه مِنْ تِنادي اتريدْ تِرْحَلْ اوياكْ إخذني روحي ما تِحمِلْ نِداكْ وتِشْهَڱ السابع سِمَه هناك تِتْرَيَه الملاڱه ليش ما تِسمَعْ شِجاكْ بيوم ضاع الصاح عني جسرك الطيني مِشَيتَه اوﭼَني أمشي اعْلَه المُعَلق اومِنْ على جسرك يثائر الهضم كله رميته ويا عذوبه الماتفارگْ مايْ بدعتنا اوحَلاك أبدْ خويه مالي عَتْبَه وَيَه مَلْچْ الموت هذا اللي خَذاك هذا امر الله الجليل ماخِلَصْ مِنَه بَشَرْ اوخير برهان اودَليلْ لا خلص مِنَه رسول او لا حبيب الله اوكليمه او لا خليلْ بَسْ أريدْ أسألْ وﮔولْ الموت هذا الگنطرك اشلونْ بَلله انطاه ﮔلبـَـــــــه يترك حسين اوإخوتَهْ ابْغَيرْ حادي ولا دليلْ ابليله ظلمة .... ابلا نجوم........ اولا ﮔمر ضَوالَه دربـَـــــــــه اومادره حبابك يشطري بَغْلَى اَثمانْ تِتْمَناك بقالي مِنْ العمر وَشْلَه يبو سومه وبڱايه العمرريته افداك كل العمر ريته إفداك عباس عبد المجيد الزيدي ناصريه القلعه6/2011