(نفس الجلال ونفس العدل)   عقيل الكرعاوي             (نفس الجلال ونفس العدل) ساستنه فلته من السمه وقسمتنه كلها مدوهنه من يوم الاجو لليوم دينيانه سوده مدلهمه ومن جذبهم طار حتى العجل نفس الجلال ونفس العدل ********** ساسه وصفت النه لغز او من الحقيقه تنغز وبطاستنه تشرب او تبز ومخلبصه كلش مثل كور الغزل نفس الجلال ونفس العدل ********** انتخبنه بس كلهه طلعت تشتر ضباع تنهش جنهه عايشه ابر وبفلوس النفط نايبنه تنكر وكعد عالكرسي وبعد ماينعدل نفس الجلال ونفس العدل ********** ساستنه بالفطنه مثل الاعصار وحافظين من القرائه بس دور ودار واحدهم عالكرسي يدك الف بسمار وبالايد المحابس ادكول دورة حجل نفس الجلال ونفس العدل ********** صارت حكومتنه محيره مثل مرت النحس دوم موغره لاهي لطيفه ولاهي مدبره وتركض عالكراسي بلا رجل نفس الجلال ونفس العدل ********** انتخاب كالو ونتخبنه وحنينه بالبنفسج اصابعنه بعد مادرنه وجهنه انهبنه وليغثك كلهه تحجي بالعدل نفس الجلال ونفس العدل ********** صبرنه صبر ايوب ومانفع وساستنه عالكراسي تركص هجع اتطك الاصبع وعوزهه تلبس دلع ومن كثر التصاريح صابه الهبل نفس الجلال ونفس العدل ********** ابحكمك ياقاضي ماكو اعتراض بعنه كلشي وبعنه كل الغراض ومن فكرنه عشعش غراب وباض بس من رخصتك هاي ماتنقبل نفس الجلال ونفس العدل ********** حلم خلصنه من ذاك الزمان والفظل مو الكم خلف الله على الامريكان واحدكم يهد وينفلت جنه واحد سكران وكافي ادبج عالصطح مو كلكم نزل نفس الجلال ونفس العدل ********** اخر ماعندي من كلام افظلنه انعيش بالاحلام وكل اليروح ويجي نظربله سلام وفد هديه عالمستوى باكة فجل نفس الجلال ونفس العدل *********************** عقيل الكرعاوي كندا algarawitaiseer@yahoo.com    التعليقات تعبر عن اراء اصحابها اسمك: نص التعليق: