طرگــــاعة العراقيين                             شعر شـــــعبي بقلم : معين الخياط النجفي ما ندري اشجـنينـه اوجتنــه طرگــاعه       واحنه امدنّگــين انقـدّم الطاعه الطرگــاعه اللــفتنه وشيــّلتنه الهـــم         چـبيـره اوندفعلهـا بكل مدينه الدم ضريبــة عـُمر حتـه الطفل ما يســلم          كريـم ابدم رگــبته يفتــدي گــاعه وچـــماله ابتلينـــه باللهيبيــــــه               لغـــّافه وتبـــوگ البــلد يوميه واذا يحصـل نــَزيه ايگــــول شعليّه          عدنـه برلمان امخـربطه اوضاعه   بيهــم خايف اللـه من الأصل ساسه           وبيهـــم شــرذمه تتسـمّه علاسه غـارگ بالسحت من أخمصه لراسه          وابنــاء الشعب للموس بـلاعه نستـورح السـمچـه جايفه امن الراس      والريــّس ايشـوخر ما يهـم للناس من مبلغ ســفرته ناخـذ المقيـــاس          مليـونين صـرّح كلفـــــة امتاعـه مليــونين إلـه ولصـنوه مليـونين            وبمـال الخزينه العــام متونســين لا قــانون يردع لا شـرع لا دين              عگـارب سـامه وبالسـكته لســّاعه بنيـويورك نايـم أخـذته الغـفــّه              ومدري امنين ذولـه الگـعدوا ابصفـّه امخــدّه ايريدله وبيمنتــه امهفـّه           وبس تســمع شـخيره خابص القاعه شمسـوين چــنـّه اتدربــوْا اعلينه          ابو غترة البيضه وغير ابو الفينه الريـّس ما (يوقـّع) قصده ياذينه            أريد ألعـن أبوهـا الجـرّت اكراعه الريـّس لو لغف حتماً عليه ينعاب          مخصوص الذي يترأس النـوّاب عله بيته صرف هالمال من يا باب         والتعيين كلــّه لصالح اتبـاعه ملــّينه الخُـطَب والخطب متداوي          جرحنه والجمر نص الگـلب داوي حنان انتي الأمل لبوة الفتــلاوي           أصيـله امبيــّنه ابلزمــة السـماعه نصبر واللي يصبــر تنمحي اذنوبه        وهلبت لليتيم اتبين الحــوبه واحــدهم شــبع ومتـرّس اجيـوبه         بس أهل التعفف باتوْا اجـواعه من عدنـه اشبعد تردين يا أيـام            وغـده نص العـراق امـرمـّل اوأيتام والريـّس امعانــد ما يريد اعدام           للقاتـل وأمر البــاري ما طـاعه &&&&&&&&&&&&&&&&&&&&&&&&&&&&&&&&&