مظلوم الجواد     (( رادوا يرجعون الحكم للظلم  ))   عادوا علينه ابنيَّه مو صافيه چنهم عصابات القتل  مافيه ********** ردَّوا او مابيناتنه اتغلغلوْ نيات سوده امنلسكُر ماصحو شافو ادروس اهواي بس ماوعوْ والشعب يعرف هلزمر طاغيه ********** عَف الشعب عنهم عفو المقدره يمكن تعود اتصحح اللي جره شو للأصل رجعت خباثه اوخره مرضى النفوس اعقولها الخاويه ***************** عاودت تتربّص تريد الحكم وتعيد ماضيها سفك دم جرم مو هيجي تتصورونَّا يابگم مو رحتوا بيد الشعب بلقاضيه ******************************* گلنه اليريد ايعيش وسعه الارض نحمي اونصون ابلادنه والعرض شو للاجانب صرتو اجمل عرض بعتوا الوطن ونفوسكم راضيه ********* والله الشعب يجتثكم امن العِرگ وتالی الغرور ایقودكم للحرگ گعدوا استقرّوا كافي سم اونَهِگ كافي تره اســـــــيوف الشعب ماضيه ********************* madloom49@hotmail.com