(( هذا اولَّه .. اومدري شلون تاليَّه )) معين أبوغنيم
	چتل سلب اونهب والساسه فرحانين نسوا شنهو القيم شنهو الشرف والدين عمارات او فلل وصلو لعد الصين وسوق مريدي .. خرَّجكم حراميـــــــــه هذا اولّه ومدري اشلون تاليه ************** سوق مريدي جان .. او بقه للباعوا ظمايرهم اكَلْ لو جاع هذا الشــــــعب ميهمهم واحد يسأل الثاني اشگد صعدت رواتبهم وكلمن راتبه مضـــــــــــــــــــــموم بزويه هذا اوله ومدري اشلون تاليه ******************** لون عدهم جهاد اوتضحيه اوناموس ميهمنه بس ياهو الانشده ايگول چنه كبل عد عمنه منهو عمهم الدولار !! لو ايران معرفنه ؟؟؟ ولون اتسأله عن خاله يكلك امي علويه هذا اوّله ومدري اشلون تاليه *************** أبطال العراق الصدگ ضيَّعتوهم ابظلمه أحفادك فهد لليوم مظلومين ذوله ابطال هالأمه ذهب صفحتك بالتاريخ وما ننساها هالچلمه حطَّولك حبل اعدام وانته اتصيح باچر .. فجر حريه ~هذا اولَّه اومدري اشلون تاليّه ******************** muain@hotmail.com