على گد النوم سامي عبد المنعم طولتلك بال حد گطع النفس ظنيتك .. اتحب النده والليل وحسٌبت باول محبتك.. تطوي صفناتي او وحشتي مادريت ... اتچمل الغرگان غطه سافرتلک کل محطاتي وبعد ما ظلت ابروحي محطه سهله عندك .. مثل چذباتك اتزاغل بالعشگ وسهله عندك .. مثل شربة ماي چلمة نفترگ لملميت الليل .. وهمومي ورحت بسكوت گلت ابتعد عنك .. وانسه كلشي حشميت الغيمه تبچيلك گبل ما يذبل النعناع ضميت المعاتب .. والسهر .. واللوم گلت اخلي الگلب يمك.. على گد النوم مادریت... ولنها روحي ابلا گلب وياي تمشي اشما اصبر اعيوني.. تاخذني البواچي وايست ... مثل برحيه .. والملگح نساني وشيصت ... وانته كل ساعه اتهزني اتريدني .. امن المامش انكتلك رطب ابلا ربيع ... وخضرت روحي دفو.. وشگيت طليعة عشگ بين الكرب وانتظرتك ... حتى لو لفحة سموم اتهب عليه وحضرت شباچي.. والريحان .. والگمره على اعناد الصبح سافرت بيه المسافات ... وبعدني انه ابمچاني سندباد ابلا سفينه .. وروحي سفره ابلا سفر گمت اتنطر مکاتيبك.. مثل شباچ وامتاني الشمس مرٌه اتسله ابدمعتي.. ومرٌه اضحك للقهر غربه .. وهموم .. وسهر سنين مرٌت... وآنه وحدي .. آنه وحدي اتنطر ابليلك گمر