برلمان اهل المحابس سامي عبد المنعم   برلمان اهل المحابس برلمان اهل المحابس والمدس الشعب واعي وراح يكنسكم كنس الشعب يصبر لكن الصبره حدود مثل غيض الماي من يهدم سدود اتصفح التاريخ لو رايد اشهود وإخذ من صدامها أعظم درس برلمان اهل المحابس والمدس الشعب واعي ولا اتضن اتقشمره شعب شبه صالح القيطان ونوري القندره هسه جاي اتحجب الاطفال واتهين المره وتمنع الافراح حته بالعرس برلمان اهل المحابس والمدس ياما حذرناكم ابثورة الناس الحكم مو بالقمع يبني الاساس صوريتوا الشعب ماعنده إحساس وگلتوا خلي ايموت وايطبه حمس برلمان اهل المحابس والمدس راح تلعنكم الناس ابكل عصر لان ما جبتولهم بس الفگر اتحاربون الطيب اليشرب خمر اتناصرون اليعلس الوادم علس برلمان اهل المحابس والمدس برلمان البوگ واصل للحزام لا نبي يقبل ابهاي ولا إمام الشعب يرجع للوره وانتم أمام دايخ وتعبان يركض عالفلس برلمان اهل المحابس والمدس برلمانيين ما عدهم خجل ايصادقون اعله المنافع بالعجل ياخذك شرق وغرب وابلا خجل وهوه اكبر سارق واكبر نحس برلمان اهل المحابس والمدس برلمان الجاينه من الغرب يدعي ابحب الوطن چذب ابچذب اذا تسأل منه هوه ابيا حزب ايگول مسلم موش علماني نگس برلمان اهل المحابس والمدس البرلمان اشكثر جاب النه مئاسي خله المعمم ايصير اكبر سياسي ما ايهمه الشعب بس يحسب كراسي والحرامي ايخاف من عين الشمس برلمان اهل المحابس والمدس برلمان انتم بلعتونه بلع بعد ما ظل صبر عدنه ولا دمع بالصناديق الجديده راح نشلعكم شلع الشعب قادر ان يلقنكم درس برلمان اهل المحابس والمدس برلمان الشعب يشكر كل جهدكم دبلماسيين صرتوا انتم واهلكم باچر باوربا يتلملم شملكم هذا شانه البلرذيله منغمس برلمان اهل المحابس والمدس برلمان امودعين ابكل حنان لان جبتوا الخير النه والامان جيتوا مسلولين واطلعتوا سمان وصار واحدكم سياسي مفترس برلمان اهل المحابس والمدس الشعب واعي وراح يكنسكم كنس