زخة فرح سامي عبد المنعم / المانيا / قلعة سكر كل ليله .. ازفلك كل قناديلي واضوي اشموع اطش واهس الملگه ابكل كتر بالبيت اغنيلك نغم مجنون ابد ما مر على اوتار واحظر كلشي الجيتك .. واحسبك جايني خطار اتعرس كل شبابيچي .. اذا سمعة خبر ملگه .. ولو چذاب زخة فرح تاخذني واعلگ گلبي تباعة ذهب عالباب احير .. ابيا زويه وياك اگعد حته اسولفلك على الفرگه امس شافوك تكتب على گلبي امنلفرح دگات بس دگات من دگات ودگاتك هواي .. الفرهدت عمري وگلبي امنهد فرگتنه ابغيابك مات لو تدري اشكثر بجفاك.. شفت امن الزمن صدمات حته الامنتله اسرار گلبي طلع بدذات كلما احچي بسمك .. يضحك ابسن الشماته وايگلي انطوه ومات كل ليله .. گبل نومي.. ارسمك عالمخده اطيوف سهرانه يا خذني النعاس .. وما يمر طيفك عليه وانشد النوم اليجيبك ايجاوبني بچي الحايط طفل مفطوم وجفن عاشگ امساهر ما يجيله النوم مرٌه سهرت النجوم الغاد من الليل خاف طيفك يجفل امن النوم طفيت الشبابيچ التنطرك.. والحچي .. واللوم تدري اشكثر شايل من زماني اهموم..؟ كلها اهموم .. بس همك يصحي النوم ياخذني اعله جرفك.. شفه عطشانه وجرح ملچوم شمالك ما تجيني ابنوم ..؟ شمالك مو كتلني اللوم ما بياش حيل اليوصل البابك حتى اكت اغيوم اريد انساك .. بس اشلون ...؟ وانه ابكل مكان الگيك مرسوم