غربه وثلج   سامي عبد المنعم                                  غربه وثلج شلت الوطن بضلوعي اسنين وداويت جرحه ابدمعة العين غربه ... وثلج وليل او محطات ومشيت كل ذيچ المسافات مليان گلبي امنلحچي بس احچي ... ياخذني البچي ما ادري هاي العاطفه امنين ولا ادري انه امسافر الوين گضيت كل عمري سفر وجفوني ذبلها السهر وما اگدر احمل بعد اهات گلت انتظر ... بلكي اتعودون واسگيتكم من ماي العيون كلمن سمعني گال مجنون شيرجع الميت ... اذامات انتم بعدكم بيه عدلين وحبكم ابدمي ايدور للحين بس بالصدگ ... ما نصفتوني وجروحكم بيه نياشين كل ما اگل الروحي اسكتي ذوله سبوني ... وخذوا وكتي اتجاوبني ... لازم للهوى اتلين الزين بالشدات معروف مو بالنفاه او نگر الدفوف