كرستال سامي عبد المنعم / المانيا.. قلعة سكر   مطرت حرير السمه وطاح النده ويه الصبح نوم وچراچف ورد والشعر غافي وسرح ابغفله وسمعت الشمس.. وي رمشه تهمس همس چن كرستا ل وضوه ذابن ابليلة عرس حسيت رعشة دفو .. گرصتني حدر الضلع ومن كثر شوگ الگلب منجفني فاض الدمع نارنجه فاحت عطر وقداح طش بالهوى عيونك امراية عرس بيها الحلم والضوه وچن کلبدون الزلف وشفاف تنگط عسل وخدود تلهب جمر مصباح نور اشتعل وچن تينه سالت دفو والثوب شدة ورد احتاريت .. مدري شلم والدفو التف بالبرد مدري اشم تينتي مدري التهي ويه النهد