السلام عليكم ورحمة الله وبركاته                                تحيه طيبه من القلب الى كل اهالي قلعه سكر  اولا اعرفكم ابنفسي اني اسمي نائل واسكن حاليا في كركوك من سنة 1981عمري تقريبا 4 سنوات كنا سابقا في قلعه سكر جدي اسمه عبد المهدي صالح الناشي ووالدي اسمه صادق نحن اصلا من قلعه سكر .اني صح ماتربيت بالمدينه ولاعشت فيها بس الانسان عنده مشاعر واحاسيس اني دائما اتردد على المدينة احب قلعه سكر لأن ناسها طيبين ,اريد منكم خدمتين اذا ممكن اخواني الاعزاء نحن الان رجعنه نفوسنه من كركوك الى قلعه سكر بسبب الضروف القاسيه الي عايشينها هنا ابكركوك من التعصب والعقد الطائفيه للأسف اني مواليد 1977 موضف بشركة نفط الشمال في كركوك متزوج وزوجتي من قلعه سكر اني احب ارجع او اعيش في قلعه سكر حتى لو بالأيجار اني احب شط القلعه اهوايه واحب ناسها الطيبين بس المشكلة اني من عمري 4 سنوات ابكركوك واشوفها صعبه كلش ارجع او اعيش بالقلعه من حيث الناس والضروف وتكوين او اختلاط الناس من جديد ماعدنه لا اقارب ولاشي ابكركوك رغم هذا احنه مرتاحين ابكركوك من حيث المنطقه والجيران. المشكله اني عندي احساس بأن لازم لازم ارجع المدينتنه الاصليه قلعه سكر لان مابقت عدنه اي حقوق ابكركوك نفوسنه صارت بالقلعه اني اطلب منكم اخواني النصيحه فقط والطلب الثاني اخواني احب اتعرف واراسل اي واحد من قلعه سكر وايميلي مفتوحلكم اخواني بأي وقت اشكركم والسلام عليكم ورحمة الله وبركاته   نائل صادق naiel_aliraqi@yhoo.com